Будучыня роднай Беларусі залежыць ад падрастаючага пакалення: яго каштоўнасных арыенціраў, мыслення і паводзін. Важна далучаць дзіця да культуры свайго народа, паколькі зварот да бацькоўскай спадчыны выхоўвае павагу, гонар за зямлю, на якой ты жывеш. Без ведання роднай мовы, гісторыі, культуры, традыцый няма і патрыёта сваёй Радзімы. У ДУА "Мотальскі дзіцячы сад" прайшла выстава "Дыдактычны матэрыял для знаёмства выхаванцаў з гісторыка-культурнай спадчынай". Адлюстраваны наступныя напрамкі: мінулае народа, жыццё і побыт продкаў; культура і традыцыі беларускага народа; малая радзіма аг.Моталь; Рэспубліка Беларусь, дзяржаўныя і прыродныя сімвалы; Вялікая Айчынная вайна. Па дадзеным напрамках распрацаваны ілюстрацыйныя альбомы, дыдактычныя гульні, гульні-лато, гульні-падарожжы.